وش رايكم يا شياب هذولا ما يصلحون ملالوة .
الا وش رايكم يا شياب هذولا ما يصلحون ملالوة
نفس المواصفات
و الجينات
و انواع النصب
على العموم اقروا الموضوع و احكموا
(منقول)
يوميات بكاش و فقاش في قهوة النصبخانة .
جلسوا بكاش و فقاش زي العادة في وقت فراغهم في قهوة النصبخانة ( على فكرة هم ما يطلعون من القهوة لأن وقت فراغهم اليوم كله) .
فدار بينهما هذا الحديث الشيق الذي ينمُّ عن كثير من الثقافة و المعرفة ....و الدلاخة .
بكاش : تدري إني من زمان و أنا الحقيقة طايح في السفريات ، حتى بعض سفرياتي ما عاد اذكرها ، يمكني صغير ذاك الوقت .
فقاش : هين ، ما تجي ربعي ، أنا مخلص عشرين جواز غير اللي ما عدِّيتهم .
بكاش : صحيح (فتحة خشة ) .
فقاش : و ينك و ويني ، حتى في وحدة من السفرات قابلت ابن بطوطة .
بكاش : ما عليك من أحد ، استر على الناس ، الله يستر علينا و عليه .
فقاش : يا خبل . ما تعرف ابن بطوطة ؟ .
بكاش : ليه هو مشهور .
فقاش : فيه أحد ما يعرف ابن بطوطة ؟.
بكاش : و انا باعرف الناس كلهم .
فقاش : المهم ، أنا أذكر اول سفرة طلعت فيها للبحرين ، كان الجسر ردمية ذاك الوقت .
بكاش : يا اا اللله ، (فتحة خشة ) ، يعني ما بعد زفلتوه ؟
فقاش : ما تصدق .
بكاش : لا لا ، اكيد صادق ، بس اكيد هذا من زمان .
فقاش : يعني صار له وقت ، اذا قلت لك اني اول مرة رحت مصر كانت الاهرام عظم ذاك الوقت .
بكاش : يا اا اللله ، (فتحة خشة ) ، طيب ما شفت المقاول ؟.
فقاش : لا كانوا موقفينه البلدية علشان عليه مخالفات ، راعي الاهرام مشتكيه يقول التلييسة طايحة ، الظاهر انه يغش في الاسمنت ، بس ما علينا من احد .
..........يحس بكاش عند ذلك انه ما هنا أحد ، فيبدأ في تأليف بعض العنتريات و السفريات .
فيجلس متكئاً ، و يصك خشته ، ثم يقول :
بكاش : بس و لو ما اظنك تجي مثلي أبد ، مع اعتذاري للاغنية .
فقاش : وراه يا المعري ؟ (يحسبه رحالة مايدري انه اعمى ، رهين المحبسين ) .
بكاش : انت تدري اني داير على جميع اوربا .
فقاش : والله صحيح .
بكاش : يا حليلك ، اظن مرتين او ثلاث .
فقاش : اخس .......
بكاش : كل ابوها ، قطر على عمان على راس الخيمة على ام القوين ، يعني باختصار كل ابوها .
فقاش : اخس .......با الساكت و لا تعلم ؟
بكاش : انت خابر عيون الناس الواحد ما يعلم بكل شي ، اذا قلت لك اني رحت للامريكتين كل ابوها .
فقاش : اخس ........ الامريكتينكلهم ؟
بكاش : ايه الامريكتين ، كلهم ، التينية و اللاتينية .
فقاش : يااااالله ، طيب و ش شفت هناك ؟
بكاش : وش شفت ؟ ، اما الاولى شفت فيها تين.....تين .........تين في كل مكان .
فقاش: طيب و الثانية ؟
بكاش : الثانية ما شفت تين .
فقاش: لا الظاهر انه يبي لي اصير اسافر معك .
بكاش : ايه بس عاد جهز نفسك ، وجب معك اغراضك لاني باطلع على هاليام على الصين .
فقاش : يعني وش اجيب ؟
بكاش : جب تمر ، علشاني دايم اروح للصين بالقطار ، يعني زي المرة اللي راحت .
عاد وش رايكم ياشباب
اي أنصب ذولا ولا الفالي و المهاجر و الحبيب و باقي العصابة
و إلى لقاء آخر مع يوميات ملا بكاش و ملا فقاش في قهوة النصبخانة .