تصويت: هل نحن بحاجه لمجمع نسائي يقضي على سلبيات المجتمع المختلط..؟؟

[مــحــمــد]

انا اؤيد وبشدة

[حـوريه البدر]

شكراً لكل من شارك ولازلنا ننتظر البقيه أثابكم الله جميعاً....

[المرسال]

لو كان هناك مستشفيات خاصه نسائيه بحيث جميع الطاقم من ادارة ودكتورات وممرضات ....الخ

لوظف عدد هائل من النساء اللي يرغبوا بالوظائف ولاستقلوا واخذوا راحتهم في المراجعات

والاسواق النسائيه رائعه للغايه وطبقوها في المنطقة الشرقية في الكورنيش بالدمام ولكن رفعوا على صاحبات المحلات الايجار بشكل مبالغ فيه مما سبب برفع قيمة البضاعه علما ان سعرها في الاسواق الاخرى ربع السعر المعروض

حتى يبينوا للرأي العام ان تلك الاسواق النسائيه لاتنجح وطبقوها ولم تفلح

[فآطمة آلخآلد]

نجحوا في ملاهي ستار سيتي وملاهي الحكير لاند . فهي نسائية ممتعة
والمولات ,أعرف مجمع بشرى نسائي في الرياض . فيه شوبينق وصالونات و كوفي رائع جداً

لكن نريد المزيـد والتطوير بارك الله فيك أختاه وتم التصويت بنعم أؤيد .

[إيمي]

لا أويد مجمع نسائي مغلق لأن المجمع بيدخلون كثير فيه وعلى مدار اليوم تقريبا وماراح يكون فيه تفتيش دقيق على جوالات الكيمرة حنا بالكليات والعدد محدود والوقت اللي يدخلون ويطلعون فيه البنات قصير ماراح يتعبون الموظفات ماسلمنا صار تصوير ومشاكل صرنا نمشي وحنا مرعوبات والله أي نور من مراية أو أي سطح عاكس يطلع على عيوني على بالي فلاش؟؟ .. المجمعات كذا أحسن علينا عباياتنا ومرتاحات هذا رأيي

[من أهل السّنه *_*]

طبعا أنا من أشد المؤيدين, لاني بصراحة ماحب أروح الأسواق أو بالأصح ماحب أروح الأماكن اللي تكون مختلطة بالرجال مااخذ راحتي فيها أبد .

وطبعا لوطبق على ارض الواقع لاااااازم تكون فيه ضوابط شرعيه وعقوبات صارمة وعلى سبيل المثال اللي تكون جايه ولابسه قصير أو أي لبس فاضح هاذي ينقال لها إما تلبسين عباتك وتتسوقين زي الخلق أو مع السلامه .

أما جوالات الكاميرا بصراااحة مالها حل أبدي بس انا اشوف الطريقة اللي مسويتها جامعتي فيها فايدة ( طبعا عندنا ممنوع الطالبه تدخل الجامعة ومعها جوال كاميرا ومن وقت لوقت ظابطات الامن يسون تفتيش مفاجئ للطالبات (با لأجهزة الخاصة للتفتيش) واذا لقيوا أي طالبه معها جوال كاميرا يصادرونه منها ويشوفون إذا فيها صور لطالبات جامعة يعطونها الشريحة ويكسرون جوالها عقاب وتأديب لها, أما إذا ماكان فيه صور لطالبات الجامعة يصادرمنها وماتاخذه إلاّ بعد اسبوعين , طبعا التفتيش يكون عند بوابات الجامعة وكمان في ساحات الجامعة وفي قاعة المحاضرات بحيث اذا لقيوا طالبات قليل في القاعة بدون استاذة وكان وضعهم مشكوك برضوا يتفتشون .
والجامعة مسويه مكافأة ماليه للي يبلغ عن الطالبه اللي معها جوال كاميرا ..

صحيح مازالوا الطالبات يجيبون هاالجوالات بالخفي بس مستحييييل يطلعونه قدام البنات << يعني نفع شوي معاهم هالعقوبات ..


بس انا اشوف عشان يطبقونه في الأسواق لازم يزيدوا من عدد ظابطات الامن ويكون التفتيش بشكل يومي طبعا عن طريق (الأجهزة الخاصه للتفتيش ) لتسهيل المهمة .


وفي الاخير ماقول غير >> ياااارب يســــــــر كل مافيه صلاح للإسلام والمسلمين .

[جريح]

طيب اختي ايمي مش ضروري تنزع الحجاب اذا دخلت مجمع نسائي ، تخلي الحجاب عليها تماما كأنها في مجمع عادي

وبالنسبه للأسعار ترتفع وما ادري ايش

هذا حله بسيط ، و هو : النظام لابد يطبق.

عندنا قانون عندنا نظام عندنا جهات تنفيذيه ، لكن مجرد إسم فقط.
فالدوله جدا متأخره ومتخلفه من ناحية تطبيق الأنظمه ، الزيادات والمكرمات من خادم الحرمين الآخيره ، التي جاءت بسبب المظاهرات
لم يتم عمل اي جهد ولا حتى صفر بالميه بالنسبه لمؤسسات "مكافحة الغش التجاري" لا أدري إن كانت موجوده أصلا أم لا
لأن اول شركة افتتحت لمكافحة الغش التجاري كان في عام 2006 .

إذن نحن نشجع المجمعات الخاصه بالنساء سواء مجمعات صحيه تجاريه تعليميه ترفيهيه ثقافيه ... إلخ.
المهم هو الرقابه على المال والعرض والنفس ، وهذا من شأن الدوله فلا بد من تطبيق النظام بدل الاكتفاء بقراءته.

[من أهل السّنه *_*]

وطبعا مثل ماقال الاخ جريح للي تخاف على نفسها من التصوير

اقتباس: المشاركة الأصلية كتبت بواسطة جريح     مش ضروري تنزع الحجاب اذا دخلت مجمع نسائي ، تخلي الحجاب عليها تماما كأنها في مجمع عادي

[حـوريه البدر]

اقتباس: المشاركة الأصلية كتبت بواسطة المرسال     لو كان هناك مستشفيات خاصه نسائيه بحيث جميع الطاقم من ادارة ودكتورات وممرضات ....الخ لوظف عدد هائل من النساء اللي يرغبوا بالوظائف ولاستقلوا واخذوا راحتهم في المراجعات والاسواق النسائيه رائعه للغايه وطبقوها في المنطقة الشرقية في الكورنيش بالدمام ولكن رفعوا على صاحبات المحلات الايجار بشكل مبالغ فيه مما سبب برفع قيمة البضاعه علما ان سعرها في الاسواق الاخرى ربع السعر المعروض حتى يبينوا للرأي العام ان تلك الاسواق النسائيه لاتنجح وطبقوها ولم تفلح

أنا سمعت بوجود مستشفى نسائي في القصيم ولا أعلم ماإذا أثمر لما نسموا إليه أم لا....
الأسواق النسائيه مشروع ناجح والمشكلة في ضمان خلوها من الكاميرات الشاذه لاسيما وأن حجمها أصغر من الذبابه والضمائر في إجازه.....
أنا مؤيده لكن إذا لم توفر ضمانات وإلا لانريدها....

[حـوريه البدر]

اقتباس: المشاركة الأصلية كتبت بواسطة فآطمة آلخآلد     نجحوا في ملاهي ستار سيتي وملاهي الحكير لاند . فهي نسائية ممتعة والمولات ,أعرف مجمع بشرى نسائي في الرياض . فيه شوبينق وصالونات و كوفي رائع جداً لكن نريد المزيـد والتطوير بارك الله فيك أختاه وتم التصويت بنعم أؤيد .

فعلاً الملاهي النسائيه أقل ضرر من المختلطه ولسنا مكلفين بالشواذ.. بارك الله فيك....