يا اخوان القمر فيه شي غريب مثل الصورة

ابن عنق الحيّه · 03-01-07, 05:16 AM

اخواني انا بالسعودية وشفت شي غريب ويخوف وجتني اتصالات شاهدت نفس الشي بوسط القمر فيه شي يشبه الوجه

وجه انسان او صورة ياريت احد يأكد لنا وش القصة او يقدر يصورة والي معه دربيل يقدر يقرب ويشوف ويتأكد

انا شفت صورة وجه

ركز على القمر وشوف بسرعه

The wolf · 03-01-07, 07:01 AM

سبحان الله

تصدق عاد كنت بقولك تعوذ من ابليس ومالك بهالامور

لكن وقع نظري بالصدفه من خلال النافذه على القمر وهو في اخر مراحل

الغياب ودققت النظر جيدا وبالفعل ونظرا لصفاء الجو واكتمال القمر

شكلت البقع السوداء وسط القمر شيئا اشبه مايكون وجه لانسان

سبحان الله

بكره يجونك الرفض ويقولون لك وجه ابو صويلح

سلوااااااااات

ابن عنق الحيّه · 03-01-07, 08:00 AM

ياخوي انا جالس بالدوام وكلمني واحد على الجوال قال اطلع اطلع شف القمر وسكرت بوجهه من الخوف وعلى طول التلفون الثابت يدق والجوال يدق

قلت بس الدعوه فيها شي وطلعت وشفته

الله يستر

عاد اذا الدعوه فيها ابو صويلح نتنحى جانباً ونترك له الأمر :d

سُنيه · 03-01-07, 09:33 AM

ياجماعه بالله عليكم لاتخوفوني
والله بدات احس بخوف
انا دوبي طالعه من موقع وحد يقول نفس الكلام
قال ياجماعه واحد قريبي اتصل عليه وقال اشوف صورة صدام على قوله في القمر الا والاعضاء طاحوا فيه مصخره
وانا وحده من اللي ضحك عليه
لكن دحينه شفت نفس الكلام ينطبق هنا
والله اني خايف بالله طمنوني

ابن عنق الحيّه · 03-01-07, 09:59 AM

انا مثلك اول شي ماصدقت بس طلعت وشفت ووقف شعري من الخوف

ناس كلموني يقولون شافوا صورة واحد رافع راسه فوق

انا الي شفته بالظبط شي ماعمري شفته بالقمر وشكله غامق شوي بس ما اقدر ت اتأكد وشو بالظبط

ولد تيمية · 03-01-07, 10:01 AM

يا اخي

تقول الاساطير ان اهل الصين يرون صوره داخل القمر طفلين يحملون على اكتافهم عصا وبينها دلو

واهل الرومان يرون ارنبا يدق الطعام داخل الهون

وهل مصر يرون القمر وجه انسان

وانا منذ زمن اراقب القمر وارى الصخور السوداء كأنها وجه انسان وهذا ليس بجديد

ابن عنق الحيّه · 03-01-07, 10:07 AM

وانا بعد اخوي ابن تيميه اراقب القمر كثير بس الي شفته غريب شوي

والضجه الي صارت غريبه كثير يعني اتصالات جتني بوقت واحد من ناس مختلفين

اصدقاء واهل

سُنيه · 03-01-07, 10:20 AM

كلنا نشوف هذي الاشياء من ايام الطفوله

بس مستحيل الضجه تبدا هاليومين
اخ ابن تيميه والله لو ماكان شفت نفس الهرج في موقع ثاني قبل هالموقع عن هذا الموضوع راح اقول الاخ ابن عنق الحيه يتوهم خخخخخخخخخخ
بس اللي انقذه ان في موقع ثاني اتكلموا عن نفس الموضوع
يارب يكون خير بس

ابن عنق الحيّه · 03-01-07, 10:34 AM

صحيح اختي سنيه كلامك صحيح

ان شاء الله خير ويطلع كله توهمات مع ان الي شفته مو وهم

بكرا نشوف يطلع ولا لا

حاولوا تشوفونه حوالي الساعة 4 الفجر

سُنيه · 03-01-07, 10:39 AM

شوفوه انتوا وبلغونا باسرع وقت
في الانتظار احنا؟؟؟؟؟؟؟؟؟؟؟؟؟؟؟؟؟؟