شعر رائع : تفلة ابو عمامه دُوَه ... وبولته وصفه إملولوه ..!!
انتشرت بعد الاحتلال ظاهرة تطبّب الجهلة عند المعممين الذين يقومون بتوزيع بصاقهم وبولهم على فاقدي العقول هؤلاء كعلاج شاف لكل الامراض، أو يوزعون عليهم (جكليت الزهرة) أو (تراب الحضرة).. فقال فيهم شاعرنا :
تفلة ابو عمـامه دوه
وبولته وصفه املولوه
ليريد ما يصخـن ابد
يغمّض ويشربهن سوه
* *
كاسـرهن بماي واذا
مكَطوع عندك الماي
مو مشـكله لا تنتظر
سيسّهن بقوري الجاي
التفلـه إلهه مقـدار
والبوله هم يا مولاي
ساوي بمقادير الدوه
لا تغلط ابهاي وهاي
ولو شفت قوريك طفر
لا تخاف يصيرن اهواي
* *
اشرب هني احسابك وصل
سـاعه وتحس راسك ثكَل
وتهيّس امــورّم صرت
ترفس رفس مثل العجل
لا تخـاف لو كَالو طلع
لك ذيل وشـويه طول
وذاناتك اشـويه عِلن
وتثاوب وترفس تظل
ابشـر .. منا للعصر
تعطّس وتنكَلب بغل
هاذ الدوه المابي دغش
ما يشتغل بس بالعطل
ما بي اضافه واكسده
من المعمل الحلكَك كَبل
* *
شلنه بعد بالصيدلي
شلنه بعد بالدكتور؟
والدوه انتاجه صبح
محلي وعليه مكَدور
ذني ليشخصن المرض
لا قسطره ولا ناظور
وحته تزيد الفائده
اكَرط وراهن بعرور
* *
ما دام هيجي يا ربع
للتفله والبـوله نفع
خلي الحكومه توسّع انتاج الدوه اشما بي وسع
تبني معامـل تكرير
بكل شارع ولوفة فرع
توقع ابو عمامه عقد
وتاخذ الكميه شلع
وما راح تحتار الحكومه وتضرع الشارع ضرع
شو الماده.. ومتوفره
بس باوع انته وتخترع
الاحتلال بكل شبر
بالكَاع زارعهم زرع
واحدهم معتور مثل
عتوي المطابخ بس بلع
موغف علينه ابن المِدس
لا له نفع لا له دفع
كَاضيهـه ويانه بجي
ظلينه ندّاين دمـع
ما نجرع انباوع جهرته اشلون بوله ينجرع ؟
* *
عمي ابو عمامه الشهم
دكتور كلش يفتهـم
وارثهه من سابع ظهر
يشتغـل نسوان وزلم
ديتول بوله ايعقمك
من راسك الحد الجدِم
والتفله حبّة اسبرين مدوّره وبيهه ختِم
شنهي الدوه فد مندله
والدكتره قابل علم ؟
* *
تفلاته خل نحسِبهن
وبولاته هم نحسبهن
مو مثل نفطات الشعب
عدّاد ماكو يعدهن
وخلي حكومتنه تسِن
قانون وتجمعهن
مو كيف ابو عمامه بعد
كل مجلس يوزعهن
ومن يكتفي هذا الشعب
وامراضه تطيبهن
تعلّبهن وحسب الطلب
بقواطي وتصدرهن..!
------------------------------------------
منقول من موقع الرابطة العراقية ..!!
وبدون تعليق ..!!
28-10-11, 09:35 PM
العرض العادي
